Shehar e Aashoob

Guzar gaye Pasy-e-Dar ki isharton kay wo din
Ke Raqas karty thay mae khwar rang khelty thay
Na Mohtasab ke thi parwah na shehar-e-daar ki thi
Hum ehl-e-dil sary e bazar rang khelty thay

Ghuroor-e-Hiba o dastaar ka zamana hai
Nishat-e-Fikar o bisaat-e-hunar hui barbaad
Faqiya o mufti o waaz py harf gheer hoo kun
Ye hen malaika aur shehar e janat e shadaad

Mulaazman-e-Haram nay wo tangiyan ki hain
Fazain hi na rahen raqas e rang o bo k liye
ye intazaam too dykho khizaan paraston ka
Bichai jati hain sangeeniyan nammu ke liye

Issi hawas main hain ye dushmanan-e-jamal
Jo sooway ranng uthay iss nazar ko gul kar dain
Jo bass chaly kahen en ka tou ye fizza bezaar
Shafaq ka rung bhuja den sehar ko gul kar dain

Hui hay janib-e-meharab se wo barish-e-saang
Ke Aafiyat-e-Khum abard ki hai bhut dushwaar
Sitam kiya hy ajab Manjaneek e mimbar ne
Hareem-e-Dil ki salamat nahi rahi dewaar

Ye ehad wo hai ke danishwaraan-e-ehad pe bhi
Munafqat ki shabihoon ka khouf taari hai
Namaz e khouf ke din hain k en dinon yaroo
Qalandaron pe faqeehon ka khouf tari hai

Ye hain wo terah dilan-e-qalamrad e tarikh
Jo roshnai o danish ka khoon karty rahy
Yahi toh hain jo hakeemon ki hikmaton ke khilaf
Har ik dour main hakim k kaan bharty rahy

Hain zulmaton ke murrabi tabiyaten en ki
kabhi ye roshni tib ko nahin many
Hai roshni ka inhen aik hi nazara pasand
Ke Jashan-e-Fatah manny aur jalen kutub khany

Diya he kaam inhen shaab k sarparaston nay
Sapeeda e sehre ko siyah karny ka
Mila he auhda kaisa gharab sy en ko
Shaoor-e-Mashrik e nu ko tabah karny ka

Guzishta ehad guzarny ko hi nahin ataa
Ye hadsa bhi likhon moujzon ky khany main
Jo raad huye thy jahan main kaai saddi pehly
Wo log hum pe musalat hain is zamany main

Leave a Reply

Your email address will not be published.